1C uchun API: Chicken Delivery ombori va buyurtmalari

Chicken Delivery platformasini 1C omboriga ulash uchun 1C'da e'lon qilinadigan HTTP-servis. Platforma 1C'dan katalog, narx va qoldiqni o'qiydi, tasdiqlangan buyurtmani esa 1C'ga yuboradi.

Umumiy ma'lumot

Ombor hisobi (qoldiq, kirim, chiqim) va buxgalteriya to'liq 1C'da yuritiladi. Platforma uchun asosiysi ombor qoldig'i: qaysi tovar qaysi omborda qancha qolgani va uni sotish mumkinmi.

Asos sifatida laCafe'ning ishlab turgan 1C integratsiyasi olingan (onec.lacafe.app): bitta HTTP-servis, JSON, Bearer token, GUID identifikatorlar va idempotent buyurtma. Modifikatorlar olib tashlangan, ombor qoldig'i va kirim/chiqim harakatlari qo'shilgan.

Kim nima qiladi. 1C dasturchisi 1C bazasida shu hujjatdagi HTTP-servisni e'lon qiladi. Platforma tomoni (Mimsoft) bu servisni chaqiradigan ulagichni yozadi. Ikkala tomon test bazada qabul ro'yxati bo'yicha sinaydi. 1C o'zi hech narsa yubormaydi, faqat so'rovlarga javob beradi.

Ulanish va xavfsizlik

Test baza. Ishga tushirishdan oldin xuddi shu servis bilan alohida test baza kerak: o'z manzili va o'z tokeni bilan.

Ma'lumotnomalar (1C → platforma)

Platforma katalogni soatiga bir marta va admin "Sinxronlash" tugmasini bosganda o'qiydi. Narx alohida so'ralmaydi, u mahsulot bilan birga keladi.

B2B narxlar 1C'dan olinmaydi. Ularni admin platformadagi alohida B2B menyuda o'zi kiritadi.

{"count": 1, "generated_at": "2026-11-06T09:00:00+05:00",
 "items": [{"id": "7b2e…", "group_id": "1c4a…", "name": "Bo'yin qismi", "unit": "kg",
            "price": 75000, "weight_g": null, "active": true}]}

Qoldiqlar va stop-list (1C → platforma)

Platforma qoldiqni har 2 daqiqada o'qiydi. Qoldig'i 0 yoki undan kam mahsulot saytda 3 daqiqa ichida "mavjud emas" bo'ladi va buyurtma qilinmaydi. Alohida stop-list usuli yo'q: qoldiqning o'zi stop-list vazifasini bajaradi.

{"warehouse_id": "5d1f…", "generated_at": "2026-11-06T09:02:00+05:00",
 "stock": [{"item_id": "7b2e…", "quantity": 42.5, "reserved": 3, "stopped": false}]}

Buyurtmalar (platforma → 1C)

Admin buyurtmani tasdiqlaganda platforma uni darhol 1C'ga yuboradi. 1C bitta hujjat yaratadi (Заказ покупателя yoki konfiguratsiyadagi o'xshash hujjat) va tovarni zaxiraga oladi. Bir xil external_id bilan qayta yuborilsa yangi hujjat ochilmaydi, mavjudi qaytadi.

{"external_id": "4f9c…", "number": "1042", "date": "2026-11-06T10:15:00+05:00",
 "warehouse_id": "5d1f…", "type": "delivery",
 "client": {"name": "Aziz", "phone": "+998901234567", "kind": "b2c", "inn": null},
 "items": [{"item_id": "7b2e…", "name": "Bo'yin qismi", "quantity": 2, "price": 75000, "comment": ""}],
 "delivery": {"address": "Qo'qon, Turkiston ko'chasi 12", "lat": 40.53, "lon": 70.94, "comment": "", "fee": 10000},
 "discount": {"amount": 0, "promo_code": null}, "total": 160000,
 "payment": {"paid": true, "parts": [{"payment_type_id": "a3b0…", "amount": 160000, "transaction_id": "payme-123"}]},
 "courier": null, "comment": ""}

{"closed_at": "<sana>", "payment": {"paid": true, "parts": [...]}, "items": [...]}

Holatlar (order.status)

Kirim va chiqim (1C → platforma)

Kirim, chiqim va hisobdan chiqarish hujjatlari 1C'da kiritiladi. Platforma ularni faqat o'qiydi va kirim/chiqim hisobotiga chiqaradi; platformada bu hujjatlar tahrirlanmaydi.

Xatolar, navbat va qayta urinish

1C vaqtincha ishlamasa buyurtma yo'qolmaydi: platforma uni navbatda saqlaydi va 1C qaytguncha qayta yuboradi. Takror yuborish xavfsiz, chunki external_id bo'yicha 1C ikkinchi hujjat ochmaydi.

Xato javobi doim bir xil shaklda; message kassir yoki omborchi tushunadigan tilda (o'zbek yoki rus):

{"success": false, "error": {"code": "ITEM_NOT_FOUND", "message": "…", "details": {"item_ids": ["7b2e…"]}}}

Platforma ham har so'rov va javobni o'z jurnalida 30 kun saqlaydi; ikkala jurnal external_id bo'yicha solishtiriladi.

1C jamoasidan kerak bo'lganlar

Ulagichni yozishni boshlash uchun 1C jamoasi quyidagilarni yuboradi:

• Konfiguratsiya nomi va versiyasi (masalan УТ 11.5, УНФ 3.0, Бухгалтерия 3.0)
• POST /orders qaysi hujjatni yaratadi va close qaysi hujjatlarni o'tkazadi (sotuv, kassa kirimi)
• 1C'dagi buyurtma holatlari va ularning shu hujjatdagi holatlarga mosligi
• B2B mijozlar 1C'da qanday belgilanadi (kontragent turi, shartnoma) va buyurtma narxini platformadan qabul qilish mumkinligi
• Test va ishchi baza uchun servis manzili va token, alohida-alohida (token faqat shaxsiy xabarda)
• Har usuldan bitta haqiqiy javob namunasi
• 1C dasturchisining aloqa ma'lumoti

Qabul ro'yxati (test bazada)

1. Katalog yuklanadi; mahsulot nomi o'zgarsa id o'zgarmaydi; o'chirilgani active: false bo'ladi
2. 1C'da qoldiq 0 bo'lgan mahsulot saytda 3 daqiqa ichida "mavjud emas" bo'ladi
3. Yetkazish buyurtmasi online to'lov bilan 1C'ga tushadi, tovar zaxiraga olinadi
4. Olib ketish buyurtmasi qabulda to'lov bilan: yaratilganda to'lov hujjati ochilmaydi
5. B2B buyurtma platformadan kelgan narx bilan tushadi, 1C narxni o'zgartirmaydi
6. Bir xil external_id qayta yuborilsa ikkinchi hujjat ochilmaydi
7. 1C'da holat o'zgarsa platformada 1 daqiqa ichida ko'rinadi
8. Bekor qilish zaxirani bo'shatadi; yopish sotuvni o'tkazadi, takror yopish ikkinchi to'lov yaratmaydi
9. Kirim va hisobdan chiqarish hujjatlari /stock_movements da chiqadi
10. Noto'g'ri token → 401, o'chirilgan mahsulot bilan buyurtma → 422 ITEM_NOT_FOUND

Ochiq savollar

• Vebxuklar (1C o'zgarishni darhol yuborishi) birinchi bosqichga kiradimi.
• Kasr miqdor (1.5 kg) platformada qachon yoqiladi. Hozir sayt butun son bilan buyurtma qiladi, 1C esa kasrni boshidanoq qabul qilishi kerak.